Еўрарадыё, сайт якога зараз заблакаваны на тэрыторыі Беларусі, праз свой тэлеграм-канал апублікавала кароткую размову з жонкай загінулага ўчора на рабочым месцы міліцыянта. Таццяна патлумачыла, што таксама не разумее што адбылося: загінулы быў на пазітыве, адзінае, што прасіўся сыйсці з пасады начальніка. З раніцы нічога не прагназавала бяды — як заўсёды ён проста адвёў дзяцей у ўколу. Пра праблемы на рабоце Таццяна сказала, што яны заўсёды былі і нічога надзвычайнага яна не заўважала.
Нагадаем, што ўчора проста на рабочым месцы з табельнага пісталета быў забіты ці здзейсніў самазабойства начальнік арашанскага аддзела па барацьбе з наркотыкамі і супрадзеянні гандлю людзьмі. Афіцыйна інфармацыю падцвердзілі, але вельмі каротка і пакуль высновы пра здарэнне не зробленыя.
