Як паведамляе на сваім ю-туб канале абласная міліцыя, ГУБОПіК яшчэ ў красавіку затрымаў двух чалавек: аднаго жыхара Віцебскага і аднаго жыхара Сененскага раёнаў, якія захоўвалі незаконную зброю. Сярод здабычы аператыўнікаў: старыя пісталеты, стрэльбы, патроны і порах. Па відэа можна меркаваць, што гэтая зброя — калекцыя рарытэтнага вогнестрэлу. Але па законе не настолькі важна ці затрыманыя захоўвалі гэта як калекцыю, ці збіраліся выкарыстоўваць — важней тое, што зброя была не зарэгістраваная.
У выніку заведзена крымінальная справа, а затрыманым пагражае да 12 год турмы.
