Нагадаем, што суда актывісты чакалі яшчэ ад пачатку чэрвеня - амаль год удзельнікі працэсу былі ў зняволенні і толькі зараз пачулі свой прыгавор. Магілёўскі суд, варта сказаць, справіўся хутка, хаця па працэсу праходзілі 6 чалавек. Суд адбываўся ў закрытым рэжыме і мы не ведаем, якія канкрэтна дзеянні ставяцца ў віну актывсітам. Сярод падсудных двое чалавек, якія маюць дачыненне да Аршаншчыны: Павал Савярынец, які нарадзіўся на Аршаншчыне і хадзіў у адну з Бараньскіх школаў і Зміцер Казлоў, больш вядомы як блогер Шэры Кот, які да затрымання жыў у Барані.
Севярынцу ў выніку за "падрыхтоўку масавых беспарадкаў" прысудзілі 7 гадоў калоні ўзмоцненага рэжыму. Гэта самы вялікі тэрмін які калі-небудзь атрымліваў Павал. Дзмітрыю Казлову прысудзілі 5 гадоў калоніі ўзмоцненага рэжыму. Астатнім актывістам таксама далі па 5 і 7 гадоў за выключэннем адзінай жанчыны па справе Ірыне Шчаснай - ёй прысудзілі 4 гады агульнага рэжыму.
На адзіным відэазапісе з суда, які зрабілі карэспандэнты Радыё Свабода быў бачны і сам Зміцер. Ён выглядае добра, можна сказаць, нават, паправіўся. Пакуль не вядома дзе будуць адбываць свае пакаранні актывісты.
