Рэгіён, Здарэнні

Пацярпелі маладыя людзі. Відэа

06.08.2021 13:03

4796 праглядаў, 0 каментароў

Адразу 6 маладзёнаў пацярпелі ў начной аварыі пад Оршай

Адразу некалькі суполак МУС у сацыяльных сетках паведамілі пра значную аварыю не далёка ад Хлусава, якая адбылася з 5 на 6 жніўня каля гадзіны ночы.

Пачалося ўсё з таго, што на дарозе спыніўся трактар гружаны бярвеннямі. У трактара была нейкая тэхнічная паломка і кіроўца зрабіў аварыйны прыпынак, выставіўшы адпаведны знак, уключыўшы габарытныя вагні... Але начная дарога каварная. У нейкі час на дарозе з’явіўся мікрааўтобус пад кіраваннем 35-гадовага мужчыны. Чаму кіроўца мікрааўтобуса не заўважыў трактара следства пакуль не зразумела. Але як вынік, на поўнай хуткасці мікрык урэзаўся ў трактар. Кепска яшчэ і тое, што ў аўтобусе былі пасажыры — юнакі. У выніку пацярпеў сам кіроўца і 5 пасажыраў узрост якіх ад 14 да 18 гадоў.

Усім пацярпелым спатрэбілася медычная дапамога, яны шпіталізаваныя.