Справа распачалася яшчэ вясной, але па-сутнасці так і засталася загадкай для шырокай публікі. Чаму і за што жыхар Дуброўна «наехаў» на мясцовага пракурора — публічна нідзе не паведамлялася. А сам суд быў з Дуброўна перанесены ў Талачын. Таму ведаем толькі тое, што апублікавала пракуратура на сваім сайце.
6 траўня вечарам не зусім цвярозы дубровенец, пабачыўшы мясцовага пракурора спачатку пагражаў яму гвалтам, а потым і непасрэдна прымяніў гвалт да гэтай службовай асобы. Віну сваю мужчына так і не прызнаў ды спрабаваў аспрэчваць прад’яўленыя абвінавачанні.
Суд першай інстанцыі прыгаварыў абвінавачанага да 4 гадоў калоніі агульнага рэжыму і 2.000 кампенсацыі маральнай шкоды пракурору.
