Ціск на Наталлю Хершэ - ураджэнку Оршы, але грамадзянку Швейцарыі - працягваецца, напісала яна ў лісце брату. Яна амаль два месяцы праседзела ў штрафным ізалятары за адмову шыць форму сілавікам. А пазней яе перавялі ў памяшканне камернага тыпу - па-сутнасці адзіночную камеру. Пры гэтым адчувае яна сябе і фізічна і маральна добра, як піша сама. Хаця ёй не дазваляюць перадаваць садавіну, амаль не перадаюць лістоў. З-за недахопу садавіны і адпаведна вітамінаў, у яе сталі таньчэйшыя валасы.
Самае важнае: Наталлі ўжо тройчы прапаноўвалі напісаць ліст з прашэннем аб памілванні, але яна яго так і не напісала, бо лічыць сябе не вінаватай.
