Пра амністыю для палітвязняў гаварылі даўно. Нават складаўся спіс са 100 чалавек, якія мусяць выйсці на волю. Але ў выніку стала вядома, да 17 верасня мусяць вызваліць не 100, а толькі 13 вязняў асуджаных па палітычных матывах. Прычым прозвішчы тых хто патрапляе пад амністыю прасочваюцца вельмі марудна, а сам поўны спіс нідзе не апублікаваны. Вядома, што два першых амніставаных жыхары Брэста і Салігорска.
Трэцяе прозвішча, якое стала вядома журналістам - аршанец Максім Шаўлінскі.
Ён быў асуджаны на 2 гады "хіміі" за абразу кіраўніка інспекцыі па справах непаўнагадовых Дзмітрыя Вішнеўскага, які стаў негатыўнай зоркай пратэстаў у Оршы. Шаўлінскі сядзеў у Мазыры дзе працаваў у мясцовай камунальнай гаспадарцы. На волі ў яго засталося чацьвёра дзяцей, малодшае дзіцё нарадзілася ў 2020 годзе. На днях Максім ужо павінен быць у Оршы.
