У сеціве з'явіўся чарговы "зліў" размовы міністра унутраных спраў і кіраўнікоў абласных упраўленняў міліцыі. Падобна на тое, што адбываецца селектарная нарада, бо ў самым пачатку аўдыё-запісу ўдзельнікі прадстаўляюцца і сярод названых пераважна намеснікі старшыняў з абласных гарадоў.
Нашую ўвагу прыцягнула два моманта: міністар патрабуе не даспусціць прыезду пратэстуючых з рэгіёнаў і загадвае ўсіх патэнцыйных удзельнікаў мінскіх пратэстаў саджаць "у турмы" ў раёнах. Відавочна гаворка, пра ІЧУ, якія ёсць амаль пры кожным раёне. Асобна гаворыцца, што з рэгіёнаў нельга нікога выпускаць. У прыватнасці гаворыцца, што нельга выпускаць з Круглага і Клімавічаў. Праўда з кантэксту размовы зразумела, што Круглае прыводзіцца толькі як прыклад. І загад тычыцца ўсіх раёнаў. Хаця з геаграфіяй у міністра яўная праблема - па яго словах у краіне 140 раёнаў, хаця насамрэч 118.
Мы не падаем тут сам запіс зліву, думаем, што вы і самі зможаце без праблем знайсці яго ў сеціве.
