Орша, Здарэнні

Абвінавацілі брыгадзіра. Фота

22.09.2021 18:08

3075 праглядаў, 0 каментароў

Следства палічыла вінаватым у смерці пуцейца брыгадзіра пуцейцаў

Гаворка ідзе пра здарэнне ў лютым на станцыі Заходняя. Тады пуцейцы чысцілі ад снегу пуці і не пачулі як пад’ехаў цягнік — у гэты дзень быў моцны вецер і завіруха. Сутыкненне з цягніком было трагічнае: адзін пуцеец 39-гадовы мужчына загінуў на месцы, другі атрымаў траўмы і быў шпіталізаваны, але на сёняшні дзень ужо выздаравеў.

У такім здарэнні нехта мусіць быць вінаваты. У выніку следства прад’явіла абвінавачанне 36-гадоваму брыгадзіру пуцейскай брыгады. Яно вінавацяць у кепскай арганізацыі работы. Пакуль следства скончваецца і справа не перададзена ў суд. Але відавочна, што ў лёсе брыгадзіра нічога не зменіцца.