Наталля Хершэ была асуджана на 2,5 гады папраўчай калоніі. Але — як і да большасці палітвязняў — стаўленне да яе з боку адміністрацыі было перадузятым. Напрыклад ёй амаль не перадавалі лісты, загружалі дадатковай работай. За адмову шыць форму для сілавікоў яна атрымлівала дадатковыя пакаранні ў выглядзе памяшчэння ў штрафны ізалятар і г.д. Парушэнне ў зняволенні можна атрымаць за любую дробязь. Таму, набраўшы патрэбную колькасць парушэнняў, адміністрацыя калоніі № 4 звярнулася ў суд з хадайніцтвам або змене рэжыму пакарання для Наталлі на больш суворую.
Суд на выязным паседжанні прадказальна стаў на бок адміністрацыі калоніі. Рэшту свайго тэрміну — а гэта трохі больш за палову — Наталля правядзе не ў калоніі, а ў паўнавартаснай турме. Дзе яна будзе адседжваць тэрмін пакуль не вядома.
