Аршанка Наталля Хершэ змагла даслаць ліст з новага месца сваёй адсідкі. Першыя лісты да брата і дачкі не прапусціла цэнзура.
Нагадаем, што Наталлю нядаўна перавялі ў Магілёўскую турму з калоніі. Пры чым Магілёўская турма - турма мужчынская і Наталля там відавочна адзіная жанчына. Таму яна знаходзіцца ў адзіночнай камеры на 6 месцаў, што ёй падабаецца. Таксама падабаецца, што ў Магілёве харошыя прагулачныя дворыкі і ёй даецца гадзіна на суткі, каб пагуляць на свежым паветры. Атрымліваецца, што хаця фармальна ў турме павінны быць больш жорсткія ўмовы, але Наталля адчувае сябе там лепш.
Хаця Наталля так і не напісала прашэнне аб памілванні, улічваючы новыя правілы перараліку пакарання, Наталлі па новаму залічылі дні праведзеныя ў СІЗА да суда. Дзякуючы гэтаму яна выйдзе раней - 27 студзеня 2023 года.
Адрас для лістоў: 212011 г. Магілёў, вул. Крупскай 99А, Турма №4, Наталлі Хершэ
