Не так даўно мы пісалі, што на мосце праз Адроў у бок Барані нехта скраў ліўнёвыя рашоткі. Але гэта, як аказваецца, не самы дзёрзскі крадзёж на які здольныя воры, што займаюцца здачай металалому. У Талачынскім раёне металісты спрабавалі скрасці... Ваданапорную вежу!
Пра гэта газеце "Наша Талачыншчына" паведаміў следчы мясцовага Следчага камітэту. Воры паспелі спіліць вежу амаль пад корань, але не паспелі яе вывесці. Ляжачую на зямлі вежу заўважылі супрацоўнікі "Энэргазбыту", якія і выклікалі міліцыю. Праўда адзін кавалак - следчыя не ўдакладняюць які - воры ўсё ж звезлі з сабой. Цяпер ідзе пошук злачынцаў.
