Дачка старшыні Партыі БНФ Рыгора Кастусёва распавяла пра сёняшні стан рэчаў са здароўем палітыка. Кастусёў быў арыштаваны яшчэ ў перашй палове года па падазрэнні ў спробе дзяржаўнага перавароту. Але ўжо два месяцы з ім не праводзяць аніякіх следчых дзеянняў ды і да таго яны ішлі чыста фармальна. Адчуванне, што яны проста не ведаюць за што яго пасадзіць - кажа дачка. У ліпені стала вядома, што ў палітыка распачаліся праблемы са здароўем - ён апынуўся ў турэмным шпіталі з падазрэннем на анкалогію. Пазнейшыя даследванні падцвердзілі - у яго сапраўды рак прастаты. Прычым цяпер ужо ў небяспечнай форме.

Доктар выказаў сваё меркаванне, што патрабуецца тэрміновая аперацыя, але яе зрабіць не далі. Да 2 лістапада Кастусёву прапісвалі цыкл уколаў, якія трохі дапамаглі яму лепш сябе адчуваць. Далей прапісалі таблеткі - да 9 відаў на дзень.

Умовы ў камеры таксама не надта падыходзяць для хворага чалавека - у камеры вільготна настолькі, што заплесневелі рэчы. А па першым часе Кастусёву давялося спаць на падлозе - не хапал месцаў. Нядаўна ўся камера перахварэла на Ковід. Пасля гэтага стан Рыгора Андрэевіча яшчэ больш пагоршыўся - збіваецца рытм сэрца.

Сям'я ўжо прасіла перавесці затрыманага на іншую меру стрымання, напрыклад, пад хаткі арышт - не дазволілі. Тэарэтычна мог бы быць варыянт - напісаць прашэнне аб памілванні. Але для гэтага трэба прызнанне віны. А, як піша ў лістах сам Кастусёў, ён не разумее ў чым яго вінавацяць і таму не разумее ў чым сазнавацца.