Нагадаем, што Кастусёва затрымалі па падазрэнні ў падрыхтоўцы забойства сям'і Лукашэнка. Абсурднае абвінавачанне прывяло да таго, што палітык з вясны знаходзіцца пад вартай у СІЗА КДБ. Прапагандысцкі ролік пра спробу забойства і дзяржаўны пераварот які спрабавалі зрабіць "Юрыст і Пушкініст" насмяшыў многіх, а потым усё сціхла. Следчых дзеянняў за гэтыя амаль 9 месяцаў таксама амаль не было.
Затое ў турме ў Кастусёва моцна пагоршылася здароўе. Ён перанес інфаркт, перахварэў Кавідам, а потым з'явілася падазрэнне на анкалогію. Нядаўна дачка палітыка змагла дабіцца ад доктара дыягназа - турэмная адміністрацыя дыягназ не паведамляла. Папярэдні дыягназ сапраўды падцвердзіўся - у Кастусёва рак прастаты.
Праўда, дачка гаворыць, спасылаючыся на адваката, што ў самога Кастусёва добры настрой.
