Гэтая гісторыя магла б падацца нейкай нерэальнай, калі б не той узровень рэпрэсіяў які сёння ў Беларусі і не абсурдныя прысуды судоў. Таму, напэўна, у яе можна верыць хаця версіі дзяржаўнага боку няма і яўна не будзе.
Пачалося ўсё ў снежні мінулага года калі лакаматыўная брыгада прыпісаная да Магілёўскага дэпо вярталася з паездкі ў Віцебск. Як вяртаючаяся брыгада, яны знаходзіліся як пасажыры ў задняй кабіне дызель-цягніка. І праязжаючы міма Александрыі Шклоўскага раёна падалі гукавы сігнал. Самі машыністы тлумачаць, што сігнал быў пададзены выпадкова — нехта торбу паставіў на ціфон. Але ў гэты час, хутчэй за ўсё, у Александрыі знаходзіўсся Лукашэнка і нехта з чыноўнікаў палічыў гэта палітычнай правакацыяй.
У выніку ва ўдзельнікаў выпадковай гісторыі бралі тлумачальныя, а кіраўніцтву дэпо вынеслі вымовы. Пасля доўгіх разборак — бралі нават запісы бартавога кампутара — удзельнікаў брыгады якая вярталася дамоў і паддала той самы сігнал адхілілі ад працы машыністамі і перавялі ў рамонт цягнікоў, што азначае значна меньшы заробак.
