Нагадаем, што 31 траўня ў Шклоўскім РАУС адбыўся пажар. Пакуль ідзе разбіральніцтва і афіцыйнай версіі прычыны пажару няма, веріі ж якія ў розных варыяцыях гуляюць па людзях гавораць у дыяпазоне ад выпадковай успышкі рэчаў, якія былі ў затрыманага да наўмыснага акту супраціву міліцыі.
Ужо сёння прыйшлі новыя правераныя звесткі пра здарэнне, якія хаця і не адказваюць на ўсе пытанні, але набліжаюць да разумення падзеі. 31 траўня у Шклоўскую міліцыю прывезлі жыхара Магілёва, якога падазравалі ў крадзяжы бензапілаў. Мужчына быў раней судзімы. Яўна што разам з мужчынам былі ці паліва ці самі запраўленыя бензапілы, бо следчы камітэт гаворыць пра ўзгаранне маёмасці затрыманага.
Затрыманы згарэў на месцы. Міліцыянт які мусіў праводзіць допыт атрымаў значныя апёкі. Хаця на дадзены момант міліцыянт у рэанімацыі і жывы, стан яго скрайне складаны. У яго на 76% апечана цела і тэрмаінгаляцыйная траўма — гэта калі вагнём ці вялікай тэмпературай пашкоджаны органы дыхання. Пры такім дыягназе шанец выжыць насамрэч вельмі малы. Хаця ім зараз займаюцца найлепшыя спецыялісты па такіх траўмах і праведзеная першая аперацыя. Чакаецца, што міліцыянта перавязуць на лячэнне са Шклова ў Мінск.
