Учора мы апублікавалі інфармацыю пра дваровую дзіцячую пляцоўку ў двары дома №7 па вуліцы 1-ая Красная. Варта ўдакладніць, што гэтая пляцоўка знаходзіцца ў двары двух дамоў. Акрамя названага яна яшчэ і ў двары кааператыўнага дома №23 па вуліцы Міра і, наколькі нам вядома, менавіта гэтаму дому і належыць, а дом кааператыўны. Адпаведна адказнасць за стан пляцоўкі ляжыць не столькі на камунальшчыках колькі на кааператыве.
Повадам для артыкула стаў стан дзіцячай горкі, якая па меркаванні жыхароў стала небяспечнай для дзяцей. Сёння горка была абнесена адмысловай лентай, якая паведамляе пра небяспеку яе выкарыстання, а да ленты прымацаваная абвестка, што горкай лепш не карыстацца да яе рамонту. Адпаведна, можна спадзявацца не толькі на часовую абвестку пра небяспеку, але і пра паўнавартасны рамонт горкі.
Ад свайго імя і ад імя многіх жыхароў бліжэйшых дамоў выказваем падзяку за хуткую і станоўчую рэакцыю на публікацыю.
