Гэта далёка не першы выпадак вандалізму на месцы дзе ў часы Сталінскіх рэпрэсій расстрэльвалі людзей. Помнік знаходзіцца ў лясным масіве амаль на тым самым месцы дзе і знайшлі растрэльную яму і людзей тут, канешне, бывае мала. А камеры фоталавушкі накіраваныя ў бок помніка былі заўважыныя толькі аднойчы, калі дэмакратычныя актывісты праводзілі мерапрыемства па ўшанаванні загінулых.
На гэты раз невядомыя наклеілі на мемарыяльную пліту налепкі ў выглядзе "георгіеўскіх стужак" і вывесілі нейкі плакат з расейскім трыкалорам і зоркай, які, праўда, быў сарваны ветрам ці кімсці хто праходзіў міма.
Што хацелі гэтым сказаць невядомыя - невядома. Бо да расейскай імперыі помнік не мае дачынення - тут расстрэльвалі камуністы пад чырвонымі сцягамі. Прыблізна ў часы калі тут стралялі людзей пад расейскім трыкалорам фармавалі фашысцкія атрады будучай арміі генерала Ўласава, якая для ўзнагародаў выкарыстоўвала і георгіеўскія стужкі таксама. Магчыма гэта быў проста тупы вандалізм без разумення каму пастаўлены помнік, а расейскія сімвалы выкарыстаныя проста каб падкрэсліць ваяўнічасць вандалаў.
