Рэгіён, Здарэнні

Малатком па краме. Відэа

07.07.2022 15:52

1697 праглядаў, 0 каментароў

У Барані адбыўся напад на краму, ну, ці проста хуліганская выхадка

Як паведамляе міліцыя рэгіёну, 39-гадовы жыхар Барані меў нейкую непрыязнь да ўладальніка адной з мясцовых крамаў. На днях ён паддаў і вырашыў разабрацца з камерсантам раз і назаўсёды. Узяў малаток і пайшоў у краму. ЧЫм бы скончылася гісторыя калі б дзверы былі адчыненыя, нікому не вядома. Але дзверы спынілі маталочнага нападніка. Зразумеўшы, што далей за ўваход ён не пройдзе, мужчына проста пачаў біць малатком па шкле. Канешне, што паддалося — пачало ламацца, але з-за алкаголю ў мужчыны былі дастаткова няўпэўненыя рухі і ў пэўны момант малаток проста выпаў з рук унутар памяшкання. На гэтым помста дзвярам скончылася.

А праз некаторы час да яго ўжо прыехалі супрацоўнікі міліцыі — на дзвярах віселі камеры відэаназірання і знайсці напаніка не стала вялікай праблемай.