Віной вываду з дзеяння цэлай чыгуначнай станцыі стала не дзеянні партызанаў, а вецер, які апошнім часам гуляў па Аршаншчыне і, канешне, па суседніх раёнах. Калі мы цалкам патлумачым, што адбылося, то ўсё адно гэта будзе не зразумела непадрыхтаванаму чытачу. таму, калі каротка, то моцны вецер сарваў знак, які знаходзіўся на апоры кантактнага дроту і быў пад напругай. Знак упаў на элементы, якія без напругі і былі заземленыя. Адбылося кароткае замыканне. Замыканне было настолькі моцнае, што ў так званай "рэлейнай" паплавіліся некаторыя дэталі ў сістэме, якая дапамагае кіраваць рухам цягнікоў па станцыі ды, нават, пашкодзіла некаторыя кабелі, якія ішлі пад зямлёй.
Усё гэта вывела кіраванне станцыяй з працоўнага стану. У прынцыпе праз станцыю могуць ісці цягнікі, але на станцыі гэта стала амаль немагчыма, або магчыма толькі ў рэжыме амаль "ручнога" кіравання.
Рамонтныя работы пачаліся яшчэ 21-га ліпеня, а 22 ліпеня на станцыі паломку ліквідоўвала некалькі соцень чыгуначнікаў розных спецыяльнасцяў. Падобна на тое, што за адзін дзень рамонтныя работы не скончацца.
