Аршанскі мясакансервавы камбінат ужо ў 7-мы раз быў прызнаны «Народнай маркай». Адбылося гэта ў Менску на цырымоніі ўзнагароджання 2023 году. Аршанскае прадпрыемства перамагло ў намінацыі «Харчовыя тавары. Вытворца дзіцячага мяснога харчавання».
Для Аршанскага мясакамбіната гэта важнае прызнанне, якое фактычна замацоўвае правільнасць ранейшага рашэння будаваць асобны цэх дзіцячага харчавання на прадпрыемстве.
Адзначым таксама, што ў літстападзе Аршанскі мясакамбінат уключылі ў спіс 108 прадпрыемстваў, якім урад Беларусі даў адтэрміноўку па выплатах падатку на дабаўленую вартасць (ПДВ) і ўвознага мыта. Урад дапамагае АМКК, якому пакуль цяжка выйсці на рэнтабельную працу.
