Гаворка ідзе пра вось гэтага (на фота) бабра. На днях жывёлу заўважылі прама ў цэнтры горада. Ён гуляў па беразе Аршыцы за плотам праваслаўнага сабору, нешта збіраў з зямлі і кушаў. Тэарэтычна бобер можа выбіраць сабе новае месца для будаўніцтва хаткі - бабры, бывае, што пагаджаюцца жыць у цэнтрах гарадоў. Для яго шум і рух горада не такі страшны. А для чалавека ён можа быць небяспечным. Гэта толькі з выгляду ён мілы няўклюдны пушысцік. Насамрэч, жывёла гэта дзікая з моцнымі зубамі і ў выпадку небяспекі можа абараняцца. Бывалі выпадкі, што абарона бабара сканчалася трагічна для чалавека.
