Міжнародная акцыя "Ноч музеяў" прайшла на мінулых выходных па ўсім свеце. У гэты вечар і ноч музеі працуюць бясплатна. Але ў Оршы скалалася сва традыцыя.

У Оршы ўжо з дзесятак гадоў праходзіць сва акцыя "Ноч у музеі". Не варта блытаць з міжнароднай "Ноччу музеяў". Аршанскае мерапрыемства праходзіць блізка, але не ў той жа дзень калі міжнародная. І калі міжнародная акцыя мае на ўвазе бясплатнае наведванне музеяў, то ў Оршы грошы за ўваход бяруць. Ну і апошняя розніца - на мерапрыемства запрашаюць не ўмузеі, а наадварот усе музеі збіраюцца ў адным месцы - у Езуіцкім калегіюме і там сустракаюцца са сваімі гледачамі.

Пры гэтым ужо шмат гадоў "Ноч у музеі" сапраўды вельмі цікавае мерапрыемства, яно пабудаванае на суцэльным інтэрактыве з атрыманнем ведаў і ненавязлівымі забавамі вакол адной тэмы. Тэма падбіраецца цікавая і кожны музей рызтуе нейкую сваю частку мерапрыемства. У выніку двор і два паверхі калегіюма проста насычаныя велізарнай колькасцю актыўнасцяў. І правесці тут можна ўвесь вечар без суму. У гэтым годзе тэма "Ночы..." - чатыры стыхіі. Што за гэтым хаваецца пакуль падрабязна не раскрываецца, але па осведзе мінулых гадоў можна прагназаваць, што цікава і весела будзе. А кошт квіткоў дастаткова сімвалічны.