Гаворка ідзе пра намесніка старшыні выканкаму па сельскай гаспадарцы, які ў мінулым годзе - пасля пачатку крымінальнай справы - быў звольнены з пасады. Пракуратура дастаткова суха і без імёнаў распавядае пра гэтую справу, таму мы пазней раскажам падрабязнасці, а пакуль што апішам сітуацыю паводле афіцыйнага паведамлення пракуратуры.

Знаходзячыся на сваёй пасадзе і курыруючы сельскагаспаарчыя прадпрыемствы, ён патрабаваў ад кіраўнікоў калгасаў паліва ў тым ліку для асабістага аўтамабіля. У выніку следчыя налічылі 8200 рублёў стратаў, якія панеслі сельскагаспадарчыя прадпрыемствы раёна. Судзіць у Оршы чыноўніка не сталі - было б занадта шумна ды і суды павязаныя з мясцовымі выканкамамі. Суд адбыўся ў Дуброўна. Праўда, усё адно прысуд аказаўся дастаткова мягкі, можа быць таму, што 8200 ён кампенсаваў да суда. Суд пакараў чыноўніка на 4 гады умоўнага тэрміну, то бок ён не сядзе ў турму, а будзе жыць дома, проста абавязаны нічога не парушаць на працягу гэтага тэрміну. Таксама яму забаранілі на гэты самы тэрмін займацца кіруючыя пасады і абклалі штрафам у 11000 рублёў.

Прыгавор не канчатковы - пакуль ёсць час на яго абскарджванне і ён можа як змягчыцца, так і павялічыцца - такое таксама бывала, праўда, не ў дачыненні чыноўнікаў.