Гаворка ідзе пра канфлікт, які ўтварыўся ў прыватным сектары вуліцы Піянерскай. Тут паспрабавалі адчыніць рытуальную залю з адпаведнай крамай. Але рытуальная заля, пакойнікі і пахаванні прама пад вокнамі людзям не спадабаліся. У выніку жыхары вуліцы пачалі скардзіцца. На вуліцы нават прайшоў агульны сход з удзелам выканкамаўскіх чыноўнікаў.
На сустрэчы чыноўнікі казалі, што маральна стаяць на баку людзей, але ж юрыдычна няма зачэпак, каб забараніць такі від дзейнасці. Тым не меньш, на днях людзі атрымалі адказ з выканкаму: рытуальнай залі на Піянерскай не будзе. Больш за тое, з дому дзе мусіла працаваць паслуга ўжо знятая шыльда.
