Орша, Здарэнні

Шкода ўжо відавочная. Фота

27.07.2023 21:06

843 прагляду, 0 каментароў

Ужо зараз бачна, што залева нанесла матэр’яльных шкодаў

З розных раёнаў горада нам паведамляюць пра шкоду якую нарабіў дождж. Ужо затапіла многія падвалы ў жылых дамах і ў сувязі з гэтым камунальшчыкі перашлі на ўзмоцнены рэжым. Многія машыны заглохлі проста на дарозе, асабліва частыя выпадкі на вуліцы Воз-ан-Улен дзе дарога пераўтварылася ў паўнавартаснае возера. Дайшло да таго, што каля 18 гадзін ДАІ перакрыла праездную частку гэтай вуліцы. Некалькі маршрутных таксі патрапіла коламі ў схаваныя вадой адкрытыя ліўнёўкі, нам паведамляюць прынамсі пра два такіх выпадкі. Схаваліся пад вадой не толькі адкрытыя, але не справіўшыеся ліўнёўкі, але і ляжачыя паліцэйскія з-за чаго некаторыя там жа ў лужынах пакінулі свае бамперы.

Канешне, пад мастом «Бутэлечнае горлышка» ўтвараліся кароткачасовыя заторы — тут і пры меньшым дажджы яны ўтвараюцца. А на вуліцы 1-га Мая дажджом падмыла мост. Ці будзе мост зачынены, ці праблему можна будзе вырашыць невялікай падсыпкай стане зразумела раніцай. Бо пакуль сіноптыкі папярэджваюць, што дождж будзе ісці да поўначы.