Орша, Здарэнні

Кіроўцу абвінавацяць па-поўнай. Фота

31.07.2023 12:57

866 праглядаў, 0 каментароў

Следчы камітэт скончыў расследванне па факце гібелі 53-гадовай жанчыны

Гаворка ідзе пра аварыю, якая адбылася на скрыжаванні Міра і Леніна яшчэ 19 траўня. Нагадаем, што тады кіроўца рэйсавага аўтобуса не заўважыў пешаходку, якая распачала рух на зялёнае святло светлафора. У выніку транспарт жанчыну не проста збіў, а яшчэ і праехаў па ёй. Не дзіўна, што 53-гадовая жанчына загінула. Следчы камітэт паведамляе, што скончыў расследванне справы, узяў з кіроўцы падпіску пра нявыезд і перадаў справу далей на падрыхтоўку да суда. З таго, што паведамляе прэс-служба СК бачна, што кіроўцу пакараюць значна. Тое, што ён не заўважыў пацярпелую — яго віна. Пры тым, што большасць пешаходаў ён прапусціў, але гэтая жанчына выходзіла з іншага боку дарогі. Што адбылася трагедыя першай заўважыла кандуктарка. Дзякуючы яе крыкам кіроўца спыніў рух. Таксама не на карысць 35-гадоваму мужчыне пойдзе і тое, што раней ён прыцягваўся да штрафаў за парушэнне правілаў дарожнага руху.