У гэтым годзе падобная сітуацыя адбылася і ў Аршанскім раёне. Тады ўмоўны тэрмін за такія ж дзеянні быў асуджаны былы намеснік старшыні выканкаму Андрэй Канстанцінаў. Цяпер падобны суд адбыўся над былой чыноўніцай Сененскага раёна.
40-гадовая жанчына ў свой час працавала начальніцай інспекцыі аховы прыродных рэсурсаў. У яе абавязкі ўваходзіў кантроль за выкананнем экалагічных нормаў прадпрыемствамі раёна. Зразумела, што ў такім дэпрэсіўным рэгіёне парушэнняў выяўлялася дастаткова шмат. Але ад штрафаў за парушэнні, як выявіла следства, можна было адкупіцца, заправіўшы за кошт гаспадаркі машыну чынавецкага сужыцеля.
Агулам з 2022 па 2023 год чыноўніца такім чынам набрала 567 літраў саляркі. Сама яна на судзе казала, што выкарыстоўвала паліва не для асабістых патрэбаў, а для таго, каб аб'язжаць прадпрыемствы па працы. Але такі варыянт падаўся суду не пераканаўчым. Жанчыну асудзілі на 2 гады ўмоўна, то бок, яна застаецца на волі, але не можа займаць пасады і будзе некаторы кантроль над сабой.
