Ратавальнікі паведамляюць, што вечарам 20 верасня каля Оршы на рацэ Аршыца быў знойдзены труп патануўшага мужчыны. Зыходзячы з кароткай інфармацыі МНС, можна меркаваць, што цела вынесла да берагу самой ракой і яго заўважылі прахожыя. Як адбылася трагедыя, бачна, не ведаюць і самі ратавальнікі. І, сапраўды, гэта дастаткова не тыповае здарэнне.
Па-першае, ужо не сезон для купання, вада халодная. Па-другое, звычайна ўсё ж такі тонуць людзі больш маладыя - мужчыне было ўжо 75 гадоў. Ды і патануць на Аршыцы можна далёка не ва ўсіх месцах - рака не такая і глыбокая, хаця на некаторых паваротах дастаткова каварная. Пакуль у гэтым здарэнні больш пытанняў чым зразумелага.
