Аршанскія сілавікі спачатку выйшлі на мясцовага прадаўца запчастак для аўтатэхнікі — філіял ТАА «Белтэхніка АГРА». Гандлёвы прадстаўнік арганізацыі прызнаўся, што пры пастаўках запчастак адлічвае грошы пакупнікам, напісалі сілавікі на сваіх каналах.
Пазней гандлёвы прадстаўнік назваў імя механіка-інжынера філіяла ДЭУ № 39 РУП «Віцебскаўтадар». З ягоных паказанняў вынікала, што затрыманы стабільна наяўнымі грашыма дае яму 5% ад сумы пастаўкі.
Сілавікі правялі эксперымент з чатырма пазначанымі купюрамі па 10 рублёў. Так затрыманы ўручыў падазраванаму, які нічога не ведаў, 40 рублёў, з чым мужчыну на выхадзе і «ўзялі» сілавікі.
На судзе будзе фігураваць агульная сума ў 870 рублёў незаконнай узнагароды. Механік-энергетык яе выплаціў. Але гэта не пазбавіла яго ад крымінальнай справы. Суд прысудзіў яму 1 год «хатняй хіміі».
