Кастрычніцкі РАУС Менску пачаў крымінальную справу па ч. 1 арт. 328 КК у дачыненні жыхара Воршы 1986 года нараджэння. Мужчына раней не судзімы і нідзе не працуе. У адзін з дзён студзеня 2023 года абвінавачаны перавозіў ад станцыі «Валожын» да «Менску-Пасажырскага» небяспечны наркатычны сродак расліннага паходжання — марыхуану масай 29 грам, за што быў затрыманы супрацоўнікамі міліцыі, паведамілі самі сілавікі на сваіх каналах.
Па выніках папярэдняга следства, мужчыне выставілі абвінавачанне па ч. 1 арт. 328 КК, г.зн. у незаконным набыцці, захоўванні і перавозцы наркатычнага сродку.
Менская транспартная пракуратура накіравала гэтую крымінальную справу ў суд. Самога 37-гадовага аршанца на час следства адпусцілі на волю пад заклад.
Суд Кастрычніцкага раёну Менску прызнаў фігуранта вінаватым і прызначаныў пакаранне ў выглядзе пазбаўлення волі ўмоўна на тэрмін 3 гады ўмоўна з выпрабавальным тэрмінам 2 гады.
