Маленькі Талачынскі раён, паводле мясцовага суда, неверагодна насычаны "экстрэмістамі". Судоў па палітычных матывах, калі лічыць па колькасці насельніцтва, больш чым у Оршы. На гэтым тыдні стала вядома, што ў мясцовым судзе прайшло, як мінімум, яшчэ два падобныя суды.
У адным выпадку за распаўсюд "экстрэмізму" судзілі Віктара Лапцінскага. Гэта ўжо другі суд для мужчыны па тым жа артыкуле. Раней яго судзілі ў канцы жніўня. Пакуль прыгавор нам не вядомы.
У другім выпадку судзілі Вадзіма Валер'евіча Іванова. Асабліва цікава тое, што гэтыя імя-прозвішча цалкам супадаюць з дэлегатам усенароднага сходу, кіраўніком мясцовай гаспадаркі "Рыдомльскі".
