Гаворка пра маленькі мясакамбінат №5 у Міцькаўшчыне. Гэтае малазаўважнае прадпрыемства праславілася ў пачатку года. Праўда, слава была кепская - на ім выявілі шмат парушэнняў экалагічнага і ветэрынарнага характару. Дзяржкантроль спыніў дзейнасць мясакамбінату і выпісаў прадпісанне, каб парушэнні былі выпраўленыя.
Мясакамбінат не справіўся з заданнем чыноўнікаў. 18 кастрычніка яно падалося на банкруцтва. Дарэчы, як паведамляе адзін з "экстрэмісцкіх" каналаў, у гэтым жа годзе ў Міцькаўшчыне ліквідаванае буйное прадпрыемства "Штоц Агро-Сэрвіс".
