Уладзімір Капцаў паходзіў з вёскі Барань пад Воршай і часта з любоўю адгукаўся пра сваю малую радзіму. Шмат гадоў Капцаў жыў у Барысаве, адкуль штодня ездзіў на працу ў сталіцу.
50-гадовы Уладзімір Капцаў выкладаў на факультэце журналістыкі Беларускага дзяржаўнага ўніверсітэта расейскую літаратуру.
«Сумная навіна. Пайшоў з жыцця дацэнт кафедры літаратурна-мастацкай крытыкі Уладзімір Анатольевіч Капцаў», — паведамілі ў тэлеграм-канале факультэта і выказалі спачуванні блізкім выкладчыка.
Многія студэнты БДУ выказваюцца пра выхадца з Аршаншчыны ў найлепшых фарбах, гаворачы, што свой прадмет Капцаў выкладаў віртуозна. Нават людзі, якія выступаюць супраць таго, каб расейскія мова і літаратура знаходзіліся ў абавязковай праграме навучання ў Беларусі, прызнаюць, што лекцыі Капцава былі вельмі якаснымі і захапляльнымі.
