Гаворка ідзе пра ўчорашнюю аварыю калі маршрутка №11 каля хлебзавода ўрэзалася ў МАЗ. У маршрутцы ў гэты час было шмат людзей, ДАІ праз дзве гадзіны пасля аварыі паведаміла пра 9 пасажыраў і кіроўцу - агулам 10 чалавек, адзін пасажыр быў дастаўлены ў бальніцу.
Ужо вечарам нам пачалі пісаць, што пацярпелых больш - пабітым шклом людзі парэзаліся, у тым ліку былі парэзаныя твары, якія давялося зашываць медыкам.
Бліжэй да ночы дзяржаўная агенцыя БелТА апублікавала сваю версію падзеяў і паводле іх звестак пацярпеў не адзін чалавек і не 10, а 12. Атрымліваецца, што пацярпелых аказалася больш чым паводле ДАІ было ў машыне. На месцы працавала 3 брыгады медыкаў, большасці дапамога была аказаная на месцы здарэння. Але пасля яшчэ пяць пасажыраў гэтай маршруткі звырнуліся ў бальніцу. Акрамя парэзаў у людзей выявілі, нават, пераломы.
