Галоўны рэдактар часопіса «Полымя» Віктар Шніп на прэс-канферэнцыі ў гонар Дня роднай мовы, якая прайшла ў Менску, анансаваў цікавосткі, якія рыхтуе выданне. У прыватнасці, ён паведаміў пра публікацыю дзёньнікаў Уладзімера Караткевіча і анансаваў выхад ягонай «невядомай» да гэтага аповесці.
Уладзімір Караткевіч — славуты беларускі пісьменнік, які нарадзіўся і шмат працаваў у Воршы. Ягоныя творы перакладзеныя з беларускай на шэраг моваў свету. Часопіс «Полымя» — дзяржаўнае выданне, адно з самых аўтарытэтных у краіне ў сферы асвятлення беларускай літаратуры.
Сустрэча выдаўцоў з журналістамі адбылася з нагоды Дня роднай мовы, які адзначаецца ва ўсім свеце 21 лютага. У Беларусі на беларускай мове размаўляе меншасць насельніцтва праз палітыку гвалтоўнай русіфікацыі, якая доўжыцца з 18 стагоддзя.
