Дакладней варта казаць пра копію іконы, бо арыгінал ейны быў страчаны і сёння ў Свята-Ільінскім манастыры захоўваецца яе копія. Але копія гэтая моцна шануецца праваслаўнымі вернікамі. Два разы на год у Оршы адбываюцца хросныя хады з іконай. У гэтыя дні яе пераносяць з аднаго манастыра ў іншы, а заадно праносяць па горадзе. Канешне, ікона лічыцца цудатворнай, бо паводле версіі царквы, была нярукатворная і цудам знойдзеная, а вакол іконы адбываліся цуды.
З 27 сакавіка ікона адпраўляецца ў Расею ў паўднёвы Валгаград, дзе яна, пераязжаючы з аднаго храма ў іншы, прабудзе да канца красавіка.
За час сваіх пераездаў "Аршанская маці Божая" пабывае: ў Валгаградзе, пасёлку Гарадзішча, Дубаўцы і Камышыне.
