На мінулым тыдні лясы Аршаншчыны ўсё яшчэ былі часткова закрытыя для наведвання - ва ўсім рэгіёне (Аршанскі і суседнія раёны) наведваць лясы можна было наведваць толькі пешкам і не разводзячы вагню. Бліжэй да выходных абмежаванні былі знятыя з двух паўднёвых раёнаў: Горацкі і Шклоўскі. І, дарэчы, з большасці раёнаў заходняй Беларусі. Па стане на раніцу панядзелка абмежаванні дзейнічалі ў Аршанскім, Сененскім, Дубровенскім, Лезненскім, Талачынскім і Круглянскім раёнах.
Да заўтрашняга дня гэтыя раёны таксама могуць адкрыцца для наведвання ў сувязі з моцным цыклонам з-за якога ў Беларусі на некалькі дзён абвешчаны аранжавы ўзровень. З аднаго боку, дождж, які прынясе гэты цыклон, здыме небяспеку лясных пажараў. З іншага боку моцны парывісты вецер можа іншым чынам пашкодзіць лесу - паваліўшы дрэвы. Нават пры знятых абмежаваннях, наўрад ці нехта сёння ці ў бліжэйшыя дні пойдзе на лясныя прагулкі.
