Традыцыйна Дзень чыгуначнікаў у Оршы - самае яркае гарадское свята. Канкурэнцыю яму можа складаць толькі абноўлены ў гэтым годзе фестываль "Поле кветак". У гэтым годзе чыгуначнікі адсвяткуюць прафесійнае свята 4 жніўня. Распавядаем што можна будзе пабачыць на свяце.
Святкаванне распачнецца а 10-00 канцэртам каля кавярні "Мінутка" на ўваходзе на стадыён "Лакаматыў". Гэтая пляуоўка будзе запоўнена рознымі калектывамі і тэмамі да самага вечара. А 17-00 каля "Мінуткі" пачнецца танцавальны батл "Свята таньчыць".
У 11 гадзін запрацуе самая вялікая пляцоўка свята на стадыёне "Лакаматыў". Распачнецца гэтая частка са спартовых спаборніцтваў па пляжным валейболе, більярдзе і г.д. Пакуль яны будуць ісці, паралельна ў 11-30 распачнецца відовішчнае шэсце. Тут жа будуць і дыскатэка - распачнецца а 21-00 і святочны салют а 22-30.
Яшчэ адной святочнай пляцоўкай стане плошча перад домам культуры чыгуначнікаў. Гэтая пляцоўка будзе аддадзена дзецям. А 12-30 каля ДКЖ распачнецца квэст-гульня "Выспа скарбаў", потым дзецям пакажуць цыркавы выступ, спектакль "Велікан-шоў", шоў мыльных бурбала і г.д.
Не абыйдуцца без свята і госці горада. А 16-00 на прывакзальнай плошчы адкрыецца яшчэ адна пляцоўка на якой сваю праграму прадставіць клуб аўтарскай песні.
Гэта вельмі кароткае апісанне праграмы. Актыўнасцямі будзе ахоплені ўвесь прывакзальны раён, а выступаць будуць не толькі аршанскія калектывы. Святочны настрой гарантаваны цэлы дзень.
