Першае свята - дзень святога Афанасія Брэсцкага. Гэта рэальны чалавек, які жыў у 1597 - 1648 гадах. Ён меў непасрэднае дачыненне да Оршы - некаторы час пасля 1627 годзе праходзіў навучанне-паслушанне ў Куцеенскім манастыры. Другая сувязь яго з Оршай - пераход Афанасія ў Купяцінскі манастыр на тэрыторыі сёняшняга Пінскага раёна. Паводле легенды, туды яго накіравала Божая Маці, якая сыйшла з Аршанскай іконы.
Другое свята - гэта дзень Аршанскай іконы Божай Маці, якая паводле легенды нерукатворная і была знойдзена цудоўным чынам. Традыцыйна ў гэты дзень ікону праносяць па Оршы з аднаго Куцеенскага манастыра ў другі. А потым у верасні хросным ходам нясуць назад. Дакладней, пераносяць спіс іконы - копію. Бо арыгінал яе быў страчаны.
