Гаворка ідзе пра трагедыю ў мікрараёне Салянікава, якая адбылася ў лютым гэтага года. Тады шматдзетная маці забіла чацьвярых сваіх дзяцей і спрабавала забіць сябе, а пазней памерла ў бальніцы. Учора ў сеціве з'явіўся ліст, які змаглі нейкім чынам дастаць былыя сілавікі з арганізацыі BelPol. Ліст накіраваны ад Генеральнай пракуратуры да віцэ-прэм'ера краіны. Учора мы ўжо ўзгадвалі пра гэты ліст у сувязі з тым, што ў ім было напісана пра падлеткавыя самазабойствы, колькасць якіх значна вырасла. А сёння выданне Zerkalo апублікавала яшчэ адну частку ліста ў якім распавядаецца пра аршанскую трагедыю.
Паводле генпракуратуры, шматдзетная сям'я пра якую ідзе гаворка, была ў вельмі кепскім фінансавым стане. Усе 6 дзяцей (двое на момант трагедыі не былі дома) і маці выжывалі ўсяго на 30 рублёў у дзень. Пры гэтым - адзначаюць пракуроры - "в течение трех лет отсутствовало должное внимание со стороны государственных органов Оршанского района". А таксама: "Активные меры по защите детей, в том числе по оказанию помощи в подготовке документов по взысканию алиментов, не принимались". Самі ж бацькі дзяцей - яны былі розныя - рэгулярна злоўжывалі алкаголем.
