На адным з расейскіх інтэрнэт-аўкцыёнаў прадаецца цікавы фотаздымак зроблены ў Оршы. Мяркуючы па подпісе, зробленым на нямецкай мове на зваротным баку фотаздымка, здымак зрабіў, або ім валодаў немец часоў Другой Сусветнай вайны. На здымку заснятыя аршанскія вайсковыя нямецкія могілкі 1941 года.
Дакладна вызначыць месца дзе зроблены фотаздымак можна з некаторым дапушчэннем. Вядома, што ў нашым горадзе было, як мінімум, двое вялікіх нямецкіх могілак. Адны з іх былі на сёняшняй вуліцы Флёрава. Другія на месцы сёняшняй шостай школы, але яны больш выкарыстоўваліся для пахавання байцоў Рускай вызваленчай народнай арміі (Браніслава Камінскага). На фоне могілак на фотаздымку бачны чыгуначны насып. Таму калі выбіраць з гэтых двух варыянтаў, то больш падобна на варыянт другі - на вуліцы Пагранічнай. Але гэта толькі дапушчэнне, магчыма, што ў горадзе маглі быць і іншыя пахаванні, але не такія вялікія і не таму забытыя. Названыя могілкі за час вайны моцна разрасліся, а на фотаздымку (калі мы не памыляемся з лакалізацыяй) яны толькі яшчэ пачынаюцца.
