Орша, Здарэнні

СК шукае сведкаў аварыі

11.08.2024 21:05

399 праглядаў, 0 каментароў

Усё яшчэ не раследвана аварыя каля Карабейніка

Аварыя адбылася яшчэ 9 чэрвеня вечарам. Тады на Магілёўскай каля крамы "Карабейнік" сутыкнуліся легкавы Сітраэн і машына таксі. На месцы працавалі медыкі і ратавальнік, з чаго мы рабілі выснову, што ёсць пацярпелыя. Але афіцыйнай інфармацыі так і не з'явілася. Толькі перад выходнымі, Следчы камітэт абвесціў, што шукае сведкаў аварыі і таму распавёў некаторыя падрабязнасці здарэння. Аказваецца, вінаваты ў аварыі (паводле папярэдніх дадзеных, магчыма, што сведкі дадуць дадатковыя паказанні) 27-гадовы кіроўца Сітраэна. Ён сеў за стырно п'яным, што, верагодна, і стала прычынай аварыі. І, сапраўды, у аварыі быў пацярпелы - траўмы атрымаў пасажыр таксі.