Працягваем публікаваць цыкл малюнкаў нямецкана мастака Вернэра Дэца. Гэта па-за штатны мастак нямецкага войска ў часы іх вайны з СССР. І знаходзячыся з войскам у Оршы, ён рабіў замалёўкі нашага горада, якія мы выпадкова знайшлі калі шукалі фотаздымкі Оршы часоў акупацыі.
Калі мастак быў у Оршы - у 1941 годзе - яму было 35 гадоў. Дарэчы, саму вайну ён перажыў і памёр на радзіме ў 70-я гады. Акрамя Оршы ён замалёўваў і іншыя гарады, напрыклад, беларускі Лунінец, або расейскае мястэчка Локаць. Гэтае мястэчка стала цэнтрам фармавання Расейскай вызвольнай народнай арміі (Браніслава Камінскага), якая адказвала за карныя аперацыі ў Аршанскім рэгіёне.
А сёння публікуем малюнак, які падпісаны "На Дняпры каля Оршы, жанчыны і конны экіпаж, 1941". А выкананы малюнак каляровымі алоўкамі. Дарэчы, зараз гэтая карціна выстаўлена на электронны аўкцыён.
