Чарговы яго малюнак, нарэшце, паказвае вайну, дакладней, яе наступствы. На чарговым малюнку, які мы змаглі знайсці, выяўленыя нейкія руіны на беразе Дняпра. Што гэта за руіны і дзе яны знаходзіліся сказаць складана. Улічваючы, што іншыя малюнкі Дэца зробленыя ў цэнтры Оршы, то можна з вялікім дапушчэннем меркаваць, што руіны гэтыя маглі знаходзіцца на Аршанскім замчышчы. Прынамсі, падобная геаграфія, а ў часы вайны тут былі жылыя дамы. Але гэта вельмі вялікае дапушчэнне. Малюнак зроблены ў 1941 годзе каляровымі алоўкамі.
