Жыхар Воршы ў інтэрнэце прадаваў акаўнты з прымацаванымі да іх абаненцкімі нумарамі з кодамі розных дзяржаў. Рэалізоўваў ён іх крыху больш за паўтара года, пакупнікамі былі сярод іншых замежнікі. Пры гэтым дзейнасць сваю аршанец не зарэгістраваў ва ўсталяваным парадку. Мужчына паспеў зарабіць крыху больш за 36 тыс. рублёў, пішуць у міліцыі.
Выяўленне і спыненне гэтай дзейнасці стала вынікам узаемадзеяння праваахоўных і падатковых органаў Аршанскага рэгіёна.
Рашэннем эканамічнага суда мужчына аштрафаваны ў памеры каля 1,9 тыс. рублёў. Таксама парушальніку давядзецца даплаціць падаткі ад атрыманага даходу, за вылікам канфіскаванага ў даход дзяржавы, па стаўцы 26%.
