Велізарны цыкланічны шторм, катораму метэаролагі далі імя "Святы Іуда", абрынуўся раніцай панядзелка на Брытанскія выспы. Парывы ветра ў гэтым суперцыклоне дасягаюць да 30-35 метраў у секунду.
Канфігурацыя гэтага монстра такая, што да нас ён разгорнуты сваім цёплым бокам і паўднёва-заходнія вятры нясуць да нас цяпло з поўдня Еўропы. Таму увесь бліжэйшы тыдзень аршанцаў чакае ветранае, але даволі цёплае надвор'е з тэмпературамі, больш характэрнымі для канца верасня. У асобныя дні могуць абвяшчацца штармавыя папярэджанні з-за моцнага ветра.
