17 верасня чыноўнікі адзначылі новае свята, якое ўвялі некалькі год таму - Дзень народнага адзінства. Адсвяткавалі яго чыноўнікі, бо ўсе святкаванні звяліся да фармальнасці: прафсаюз правёў форум свайго начальства, а ў ГДК правялі канцэрт на які мала хто патрапіў. Для, пакуль яшчэ не зразумелага з-за сваёй навізны свята, гэтага яўна мала.
Таму ў бліжэйшыя выходныя выканкам правядзе другую спробу святкавання, на гэты раз публічную і масавую. У суботу 21 верасня у цэнтры паўстануць гандлёвыя шэрагі, з 9-00 абяцаюць аўта-шоў на машынах Джылі. А пасля 16-00 пачнецца канцэрт. У 21-00 пачне выступаць Алена Ланская і ў 21-50 распачнецца салют пасля якога да 23 гадзін будзе рэтрадыскатэка.
