Час падыходзіць да трэцяй дэкады верасня, фармальны сезон збора ягадаў у поўным разгары, а ў лясы заходзіць да гэтае пары нельга. Збор журавінаў, які паводле пастановаў чыноўнікаў распачаўся яшчэ 4 верасня, фактычна так і не пачаўся да гэтае пары. Сіноптыкі і ратавальнікі гавораць пра штармавое папярэджанне з-за найбольш высокага класу небяспекі лясных пажараў, прынамсі, у суседняй Магілёўскай вобласці.
З-за гэтага і ў Аршанскім і ва ўсіх суседніх раёнах лясы катэгарычна закрытыя для наведвання. Бліжэйшы адкрыты раён - Магілёўскі ды і там дзейнічаюць частковыя абмежаванні.
І ёсць пагроза, што ўвесь сезон збору ягадаў так і пройдзе без ягаднікаў, бо пакуль сіноптыкі не прагназуюць змены цёплага сухога надвор'я на нешта больш вільготнае.
