Верасень у гэтым годзе неверагодня цёплы. У Віцебску ўжо двойчы за гэты месяц былі пабітыя тэмпературныя рэкорды. Але, аказваецца, не толькі абласны цэнтар адзначыўся ў верасні 2024 года. 19-га чысла ў шасці рэгіёнах краіны былі пабітыя рэкорды. Усе рэгіёны ў Віцебскай і Магілёўскай вобласці. Наш рэгіён гэта таксама закранула.
Так, тэмпературны рэкорд быў пабіты ў Сянно. У гэтым райцэнтры 19 верасня зафіксавалі тэмпературу ў 25,3 градусы. Папярэдні рэкорд быў зафіксаваны ў 2018 годзе і скаладў 24,8, то бок перабіты на палову градусы. У Оршы таксама ёсць новы рэкорд, але з адрывам у цэлы градус. 19 верасня 2024 года зафіксаваная тжмпература ў 25 градусаў, а папярэдні рэкорд 2018 года складаў 24 градусы. Але падобна, што гэта апошнія анамальна цёплыя дзянькі.
Сіноптыкі паведамляюць, што на надыходзячым тыдні нас ужо будуць чакаць замаразкі, а МНС у сувязі з пахаладаннем абвесцілі штармавое папярэджанне. Чакаецца, што гэтай ноччу (з 22 на 23 верасня) тэмпература рэзка ўпадзе і стане мінусавой. Пакуль чакаецца мінус 2 градусы мароза.
